خواطر 15

خواطر 15

طبل المثل لو هرج أطرش = بالحرب والا مع الطبّـال
لأن بيدينـهـم يُـفـرش = كل ما تمايل مع المـوال
بدين جلده ولـو يُعـرش = عقل سخله من ردي الحال
هيا استمع قبل ما تُقرش = يا نذل يا فُرجـة الأنـذال
أمثالكـم عندنـا يُكـرش = عنكم خذينا مكـان بـدال
يحمس به البن ثم يُجرش = ويساق لهل الكرم فنجـال
ليت المطر كل ما هو رش = يسقي ثرى طيبين الفـال
ورجـال بقلوبهـم ورّش = صنع الوفا معدن الأبطـال

.....

رفت على الفال حاجرهـا = يا الله عسى خير يا مولاي
واستبشرت شوف زايرها = لو شوفها ما تعدى خطاي
.....
عندي عمى ألوان يا روحي = بألوان لا ترسـم الرسمـة
للنيل والحسن وجروحـي = اسبابهـا بسمتـك بسمـة
اشوفهـا تكمـل فروحـي = مع ريحة الورد والنسمـة
العابـرة تملـك طموحـي = عند الرمي صيدتي دسمـة
صالح محسن الجهني