خواطر 28

خواطر 28

مرّه تعلم مـن أخطـاءك = لو كان ما فاد فيك العلم

الجهل من أكبر أعـداءك = لا تصير جاهل قليل الحلم

.....

هذاك يضحك وذا هرّاج = والثرثرة بحرها مطلق

للأن ما للحماقة علاج = ولا لقوا طب للأحمق

.....

أول تعلـم علـوم رجـال = ومخاطب الناس والتقديـر
بعدين خذ لك معي فنجـال = ما تشربه لو حصل تقصير
.....

لو تطلب الإنسي والعفريت = ما يقوم لك حظ يا قاصـر
وإن كنت بنزين فالكبريت = موجود عندي وأنا حاضر
بس أنت خلك من التشويت = حشم ضيوفك ولا تناظـر
خلك من الهمز والتفتيـت = بأمور ما أنت لهـا قـادر
مثبتينـك بهـا تثبـيـت = في وارد الأمـر والصـادر
مذوقينـك بهـا حلتيـت = مشهود بالماضي والحاضر
ولا تلوم حظك بما جوزيت = هذا جزاء الجاهل الغـادر

صالح محسن الجهني