يا راكب اللي في ظهرها قناديل ... مصلية النيران باعلى كعبها

يا راكب اللي في ظهرها قناديل ... مصلية النيران باعلى كعبها

الصورة لنخبة من الطيارين الأوائل على طائرات (ف 15-سي) بقاعدة الظهران الجوية عام (1982م)، منصور بن بندر ، طلال ميرزا ، عبدالرحمن الفضلي ، معيض اللهيبي ، عبدالعزيز العبيكان ، محمد العايش

قصيدة بعنوان: هي قاعدة فيصل وربي وهبها

مناسبتها تمرين القوات الجوية الملكية السعودية عام (1424هـ / 2004م) بقاعدة الملك فيصل الجوية

يا راكب اللي في ظهرها قناديل
مصلية النيران باعلى كعبها

مصقولة الجنحان مركوزة الذيل
ما تعشق إلا من رفعها وسحبها

اللون فضة كنّها نجمة سهيل
تحمل شعار المملكة في نسبها

ترعد إذا مكيالها زود الكيل
ما تشرب إلا ما يزود لهبها

إن سرّجت تضوي مثل سابق الخيل
وإن جرّبت تصدق ويصدق عربها

طوع البنان وما تبي شدة الحيل
رهيفة الإحساس للي جذبها

عنقاء ويركز عنقها مضوي الليل
تقضي اللزوم وما تعفر ركبها

إن جالها داعي تقل طير أبابيل
وقت السلام يفيض منها أدبها

طيارها هلّل وزاد التهاليل
حتى اسلمت لامره وكحل هدبها

ومن صانها كبّر وصل للمواصيل
الله يعز اللي بعزمه جلبها

فهد وعبدالله ضياء للمشاعيل
في دارنا والدار يسمو حسبها

واللي وضع تشكيلها والأساطيل
بامره على غالي وطنّا نصبها

أميرنا سلطان ومعلم الجيل
الآمر الناهي وعلياء رتبها

قواتنا عيّن عليها رجاجيل
قادة وفاء وجنودها هم عصبها

ومنهم أبو منصور والحق ما قيل
هي قاعدة فيصل وربي وهبها

من خطط وتابع أدق التفاصيل
ونفذ مهمتها وعزز طلبها

صالح محسن الجهني