الشاعر صالح محسن الجهني

قصيدة/ يا سبيت أول كان ما لك ولا بيت = حظر التجول يعني أجلس في بيتك

يقول المثل الشعبي:
(سبيت ما له بيت)

يا سبيت أول كان ما لك ولا بيت
حظر التجول يعني أجلس في بيتك

أشغلتنا من ماضي الوقت يا سبيت
بين المدائن والقرى ذاع صيتك

واليوم ممنوع السفر آه يا ليت
لا تنوي الترحال شفني نهيتك

هذاك أول وين رايح (ترانزيت)
ومحدن درى وين أنت حاجز مبيتك

وما تهمك الصحة وضبط المواقيت
اللي يهمك وين ترمي (جاكيتك)

لا تحسب الدنيا على ما تمنيت
أصبر على ما صار فيها فديتك

اليوم (كورونا) خبر ذائع الصيت
وحظر التجول عنه نبذة عطيتك

استمتع بوقتك ولا تقول : مليت
أدعي ومن خير الدعاء ما نسيتك

ولا تقول : صدري ضاق يا كم ونيت
بكره الفرج لو رحت جدة لقيتك

ويالله يا من في وجودك تعاليت
أرحمنا وألطف فينا ربي رجيتك

أحمي وطنا كم تكرمت واعطيت
والعالم اجمع يا ألهي دعيتك

وبارك لنا في خادم الدين والبيت
وأبطالنا خدام دينك وبيتك

صالح بن محسن الجهني

قصيدة/ يا سبيت أول كان ما لك ولا بيت = حظر التجول يعني أجلس في بيتك