2010-12-27
أطلال الحب
يا الله عساني فدوة اللي وقف يوم = قدام كـل النـاس يشهـر بيـدّه
أصيل طبعه ما يجي موقفه لـوم = نال الشرف من طيب خاله وجـدّه
أنا بلى قلبـي وحارمنـي النـوم = الوقت هذا صعب جـزره ومـدّه
واللي تعلمته من الصبر والعـوم = دام الأمل بالله مـا يكـب عبـدّه
ما يدوم ما قدمت ما يدوم لك دوم = غير الذي قدمت شكـره وحمـدّه
نحمدك يا فارج من همومنا كـوم = يا من عمرت القلب من بعد هـدّه
فيه المحبة للذي غالـي السـوم = وأطلال ذكرى الحب ما باح سـدّه
ما هي من النسيان والفكر له حوم = حول الغيوم الناشيه مثـل خـدّه
اللي مطرها صاب له قوم عن قوم = والأرض ريحتها مثل ريـح وردّه
كنه شقيق الورد لرواحنـا تـوم = وأنا مع القوم الـذي صـان ودّه
صالح محسن الجهني