2014-05-06
جربوع يشكي لجربوعة
الجربوع
.....
جربوع يشكي لجربوعة
من العرب والهوى البحري
قال الفتافيت ممنوعة
والسمن ما هو سمن بري
قالت له اسكت عسى اللوعة
تاخذك ضيقت لي صدري
خدعتني وعشت مخدوعة
غشيتني بجلدك الخمري
وين العشاء وين دلوعة
كنت احسبك يا بعد عمري
قادر على خياش مرفوعة
محرومة من خبزة الجمري
قال المبيدات موضوعة
هم يحسبونا ولا ندري
قالت له الجلسة مرفوعة
حتى بقسمي تجي تجري
وراح في حال مفزوعة
من أجلها مات فالكبري
واللي تمشيه مصدوعة
للتهلكة يروح من بدري
وعلى كذا الحب موسوعة
والتضحية ما لها حصري
لكنّه أحيان أخدوعة
إلا مع الطائر القمري
صالح محسن الجهني