2010-11-11
خواطر
الله على الطيب وفنونـه
لا جاك من طيبين الأصل
هتان من صافي مزونـه
يزيد حبل الأخوة وصـل
.....
لجل أنت يا السكر الحالي
عكرت كأس الهوى بيدّك
روّح وخلينـي لحالـي
روّح عسى الله لا يـردّك
.....
ماني لكثر الحكي محتاج
يكفيني الصمت والأفكـار
أخوض في بحري الأمواج
وأكتم لجل عينه الأسرار
.....
اراقبه بين شمس وفيّ
اللي جرح خاطري صده
مثل الذي ينتظر له ضيّ
شبيه نجم السها رصده
.....
دراهمـك خلّهـا بجيبـك
واصرف بنقدك على عيالك
صحيح كل ما كثر شيبـك
يزيد نقصك علـى حالـك
والعيب ما هو ترى عيبك
هذا من الوقـت وخبالـك
جنبا ولا هو من جنيبـك
وش محرق البن بدلالـك
صالح محسن الجهني