2012-05-04
خواطر 29
لو تطلب الإنسي والعفريت
ما يقوم لك حظ يا قاصـر
وإن كنت بنزين فالكبريت
موجود عندي وأنا حاضر
بس أنت خلك من التشويت
حشم ضيوفك ولا تناظـر
خلك من الهمز والتفتيـت
بأمور ما أنت لهـا قـادر
مثبتينـك بهـا تثبـيـت
في وارد الأمـر والصـادر
مذوقينـك بهـا حلتيـت
مشهود بالماضي والحاضر
ولا تلوم حظك بما جوزيت
هذا جزاء الجاهل الغـادر
.....
الصقر ما يهمـه القمـري
حتى ولـو طـوّل لسانـه
ومن لا يعرفه غصب يسري
معروف سربـه وميدانـه
.....
أول تعلـم علـوم رجـال
ومخاطب الناس والتقديـر
بعدين خذ لك معي فنجـال
ما تشربه لو حصل تقصير
.....
لي أمنية يا عيـون الـروح
اللـي ولا غيرهـا حبيـت
لا تزيدي روح المحب جروح
يكفيه عايـش بليـا بيـت
.....
أعـوذ بالله مـن إبليـس
في شاطي النيل حتى الشام
ما نال غير الردى والكيس
مصرور والمشتري ماينام
صابه مصاب الخنى تفليس
عند الذي يرفعـون الهـام
حتى قضى في مزاد مخيس
لبضاعة الـذّل والأوهـام
ماله دواء لابسه تلبيـس
من هامة الرأس للإبهـام
يا كيلوبترا ويـا بلقيـس
باقي أثـر دولـة الأيـام
والحكمة اللي عليها نقيس
أمورنا في هدى الإسـلام
حنّا لنا بالوفـاء تأسيـس
ما يهمنا منهـج الأقـزام
صالح محسن الجهني