الشاعر صالح محسن الجهني

مع الشاعر القدير العميد/ صالح بن فايز السناني رحمه الله

قصيدة : يا شاعر الغربة سلام

مع الشاعر القدير العميد / صالح بن فايز السناني - رحمه الله - واسكنه فسيح جناته جنات النعيم وقد شرفني برده الكريم الذي أعتز وأفتخر فيه وكان ذلك في المجالس الينبعاوية بتاريخ 6 / 7 / 2004 م

البارحـة بـدر التمـام = ضوى الليالـي وأهلهـا
من بعد حلـو الإبتسـام = بالطلـة اللـي طلّـهـا
سريت ما دربـي ظـلام = عينـي خطـاي تدلّهـا
لكـن بالفكـر ازدحـام = أمـور صعـب احلّهـا
ما بين هيهـات المـرام = ضاعت حلولـي كلّهـا
لمست عينـي بالبهـام = خايف دموعـي تهلّهـا
فركتهـا فـرك الكـرام = لسيوف يقـدح سلّهـا
يمكن انسيهـا المنـام = خطاي ما شـئ علّهـا
عدتني صلبات العظـام = ادقاقهـا مـع جلّـهـا
يا شاعر الغربه سـلام = ضي القمـر كنّـه لهـا
ادركت قلبـي استقـام = همومـي ضيّـه فلّهـا
وسبحت خالق هالنظـام = الدنيـا ليـه نملّـهـا
جبال شامخـة السنـام = الله كسـاهـا زلّـهـا
وإن شاء خلاها حطـام = أوتـاد صعـب نتلّهـا
بعض الرجاجيل الهمـام = مخلوق طبعـه مثلهـا
يصبر على الغربه ما دام = الدنيـا غربـه كلّـهـا
إن قال جاب أطيب كلام = ما عمـر نفسـه ذلّهـا
لا بـد أفـراد السهـام = الله يجـمـع شملـهـا
صالح محسن الجهني

.....

أقـول عليـك السـلام = حي البيـوت وخِلهـا
حيا الله الحـر القطـام = كـل القلـوب إحتلهـا
عـداد ماهـل الغمـام = على الهضـاب وتلهـا
أطيب تحيـه واحتـرام = باللي حروفـه هلهـا
بالشعر طقات الفهـام = عقـد القصيـد يفلهـا
راع القوافـي مايـلام = مهما كتـب مايملهـا
لا هام فيها واستهـام = عن الهمـوم وغلهـا
تسري معه شرقٍ وشام = كـل الجهـات يدلهـا
ولو كل من حوله نيام = تسمـر معـه ويعِلهـا
لو سج عن قافه وصام = مايفطـر الا بظلـهـا
لاشاف في جوه عسام = حـدد مواقـع ضَلهـا
واحيان اشد من الحسام = علـى عـداك تسلهـا
واشد من تدمير سـام = إذا بغـيـت تعِلـهـا
بديار فكري لـه خيـام = برحالهـا مـع حِلهـا
لاضاقت ظروفك شمام = وقت الحميا اهلٍ لهـا
في غربتي مرت عَوَام = عنـا الهمـوم يقلهـا
ولا جفت ارياق الغرام = العَـف هَـل وبَلـهَـا
تمت ولَك أجمل سـلام = يابـو المراجـل كلهـا
صالح فايز السناني

مع الشاعر القدير العميد/ صالح بن فايز السناني رحمه الله

مشاركة