الشاعر صالح محسن الجهني

مع الشاعر القدير خضر زارع الحربي

يا اللي برسم المثل مهتم = ولك باع فالقيل وفنونـه

سلام ما ينحصـى بالكـم = عليك الأصحاب يقرونـه

لجلك بنهج الغرام افهـم = والود ما تجهـل شئونـه

فالود سن التقاعـد كـم = حسب اللوائـح وقانونـه

خضر زارع الحربي

.....

داعي دعى قلبي المغـرم = يسأل عن الود مضمونـه

يا مرحبا عرفكـم مغنـم = الطيـب دايـم تسوقونـه

يا اصحاب لا شي فالمعجم = موجـود إلا تعرفـونـه

الشّيب راعيه مـا يسلـم = سنّه ويا ليـت تخفونـه

صالح محسن الجهني

.....

من ينبـع البحـر للطيـار = وانا على حكمكـم راضـي

من الذي فـاز فالمضمـار = البنـك والا عطـا قاضـي

خضر زارع الحربي

.....

يا مرحبـا قمـة الأشعـار = اعدادها من شهر ماضـي

واللي نوده رضـوه كبـار = محمود نهجك ومعواضـي

لكن شعوري بعـد مـا دار = في ليل فيه القمر ياضـي

صفقت للشعـر والشّعـار = تصفيق متـذوق رياضـي

شاف المعاني يمين يسـار = تضرب على البحر وتقاضي

تيار عانـق صفـا تيـار = والموج فالأزرق الناضـي

يجري وانا اقول يا ستّـار = ما يجري الموج بالفاضـي

قال استمع بالعميق اسرار = البنك واحمد على حياضي

صالح محسن الجهني

.....

صرح الهوى لو يطيح انساه = لا يمكن يعـود مـن ثانـي

وصرح الموده على مبنـاه = يسهل عماره على البانـي

صالح محسن الجهني

.....

الصـرح بالـود عليـنـاه = من يهدمـه يعتبـر جانـي

واللـي مثـل معدنـك والله = منساه لـو كـان ينسانـي

خضر زارع الحربي

.....

تلفتـت ظبـيـة الــوادي = وقت السحر ما لهـا ميعـاد

يا هل ترى صـوّت منـادي = والا صدى رهبـة الصيـاد

خضر زارع الحربي

.....

هذا الأمر يا خضـر عـادي = تلفتـت والعيـون بـعـاد

لأنهـا احساسهـا هــادي = تجفل ولو هي على ميـراد

ومن كان صوته صدى حادي =ونس فلول الضباء ثم صـاد

وما يكذب فـؤادك فـؤادي =صلي على اللي ظهر بأجياد

صالح محسن الجهني

.....

رصيد زايد عـن الألفيـن = في منتدى العـزّ حققنـاه

غير الذي بالسلف والدين = معقول أهل الوفا تنسـاه

خضر زارع الحربي

.....

يبقى رصيدك فوسط العين = والقلب يحفظ ولا يسـلاه

أما العدد خارج التثميـن = للـي نـوده ولا نجفـاه

عواد محمود الصبحي

.....

نجم المجالس لعام ألفيـن = عواد والبنك مـا يخفـاه

وحتى الرصيد المجمد زين = اللي عظيم القسم أنهـاه

صالح محسن الجهني

.....

كيفك بعد مر خمس ايـام = واصحابنا غـاب طاريهـم

تقدر تصدق علـى ايتـام = وتصوم وتعيـد ماضيهـم

صالح محسن الجهني

.....

ذكرى الأسامي حزن وانغام = ولـولا معزتـك ناسيهـم

وابشرك ضاعـت الارقـام = وألغيـت حتـى اساميهـم

خضر زارع الحربي

.....

مـن منـتـدى الينبعـاويـة = اللـي لهـم بالوفـا عنـوان

لأهـل الـوفـا بالشمالـيـة = وانت لها يا صقـر شيهـان

افـراح واحــلام ورديــة = غرستهـا داخـل الـوجـدان

ما هـي احاسيـس وهميـة = وش بـدل الفـرح بالاحـزان

خضر زارع الحربي

.....

للمنـتـدى والصـفـاويـة = بالمجلس اللي كريـم الشـان

شعّـار ورجــال بحـريـة = واعضاه من خيـرة الأخـوان

ترحيـب بحـروف شعبـيـة = فيكـم وفيهـم لهـا ميـزان

ومــا دام لـلـود مـاريـة = وغرسي ماهو غرس فالصمان

خلـك معـي صافـي النيـة = وتشوف طيبي على البرهـان

وانـا معـك صـادق الهيـه = والله يشهد علـى مـا كـان

يا خضـر والنفـس عاريـة = تبقى وداعـة مـع الرحمـن

لـك ود وأغصـان عطريـة = ذكرى ولا هي مـن النسيـان

صالح محسن الجهني

.....

هيا اشهدوا يـا حبايبنـا = يجوز هذا مـن الغاليـن

اللـي بلقيـاه واعـدنـا = اليوم مرت عليـه سنيـن

خضر زارع الحربي

.....

حرفك كما كنـت يطربنـا = بس انت دايم من الناسين

هيا اشهدوا مـن يعاتبنـا = اليوم حنّا معـه صافيـن

واشوفـه الأن واجبـنـا = نرمي من الورد والياسمين

والمعذرة إن كان ما صبنا = والا عن الطيب متوانيـن

والا تعـارض مراكبـنـا = ونصير بالبحر مختلفيـن

ونقول مـا قـال شايبنـا = انتابع الوعد ليـن يحيـن

صالح محسن الجهني

.....

يا ليت جسر المثل محطوط = يعطـون جيرانهـم ميـزا

لكنهم فارضيـن شـروط = ما تخش إن ما معك فيـزا

خضر زارع الحربي

.....

الود مـا بيننـا مضبـوط = يـا راسميـن المنوليـزا

والشرط وافي كذا مخطوط = لو مالوا اثبت من البيـزا

فقلوبنا رابطـك مربـوط = والوصل يحتـاج تعزيـزا

سافر لنا اركب أي خطوط = شوف الهرم فاوسط الجيزا

صالح محسن الجهني

.....

ودي تكون المعاني همـس = ان كنت يا صاحبي فاضـي

راجع معي ذكريات الأمـس = واشرح لنا قصـة الماضـي

خضر زارع الحربي

***

من زود طيبك تمد الخمـس = يا قلـب مليـان ورياضـي

معروف اسمك ولا له طمس = ذكرى الاجاويـد معواضـي

واللي نظمناه بـأول أمـس = ناقي وصافي ولـه قاضـي

ودي بعيني اشوف الشمـس = تشرق وكـلا بهـا راضـي

شمس الأدب والمعاني حمس = والناس تشرب من الناضـي

والليل في قلعته في رمـس = عن حمسة النـي متغاضـي

صالح محسن الجهني

.....

ثاروا على قلبـي الثـوار = من عندك الـرد الزامـي

اشوفهم عامليـن حصـار = والقلب من يومها ضامـي

شعارهم طالبيـن حـوار = والكل ناوي على اعدامـي

كيف اقبل حوار تحت النار = ورصاص خلفي وقدامـى

خضر زارع الحربي

.....

ما دام ثاروا سمك وصغار = من عندي الذبح اسلامـي

شوفه بوسط البحر اسرار = لا يزال منظـوم باقلامـي

يا حر في موطن الاحـرار = والخلط شامي على عامي

حتى الرويبض معاه انصار = دور لك انصار ومحامـي

صالح محسن الجهني

مجموعة خواطر نشرت في المجالس الينبعاوية من الفترة 19 / 5 / 2015 م - إلى 23 / 5 / 2011 م

مع الشاعر القدير خضر زارع الحربي

مشاركة