2009-02-28
قصيدة بمناسبة شفاء الأمير سلطان بن عبدالعزيز وعودته إلى أرض الوطن
تشرفت بإلقائها في حفل المنطقة الشمالية الغربية بتبوك يوم الثلاثاء 5 محرم 1431 هـ أمام صاحب السمو الملكي / الأمير فهد بن سلطان أمير منطقة تبوك والمواطنين والزملاء الكرام " بمناسبة شفاء وعودة ولي العهد إلى أرض الوطن سالما معافا ولله الحمد والشكر " نشرت بالعدد 154 مجلة الدفاع
يا مرحبـا عـدّ القوافـي والنسيـب = باميرنـا عالـي المعالـي والجنـاب
فهد المسمى باسـم لا يمكـن يغيـب = صفوة ملوك الخير والمجـد المهـاب
شرّفتنـا بالطيـب والنّهـج الأديـب = بك منطقتنا شامخة فـوق الضبـاب
يا سيدي قرّت عيونـك يـا العريـب = في عودة المحبوب من بعـد الغيـاب
اشتاقـت الـدار الحبيبـة للحبـيـب = عوداً حميـداً للوطـن أجمـل إيـاب
الحاتمـي الجـود هـدّاج القلـيـب = الفيصلـي العلـم والـرأي الصـواب
اللي كساه الله فـوق الطيـب طيـب = طابت به الدنيا وطاب الحـب طـاب
من مثل أبو خالد له الحـب الرهيـب = من شعب أبو متعب وحلاّل الصعـاب
حبّه سكـن بقلوبنـا عـذبٍ عذيـب = من فاطر السبع السمـوات العجـاب
حبّ العرب للشهـم والقـرم الأريـب = اللي لهيبـة طلتـه تُثنـى الرّكـاب
الصـارم البتّـار والريـح الأزيــب = الناقي اللـي مثـل هتّـان السحـاب
اللي نعدّه مـن بعيـد ومـن قريـب = أعظم رجاجيل العرب شيـبٍ وشـاب
يكفي تواضع سيـدي رغـم الطبيـب = أوصاه من زود الوفاء زار المصـاب
نعم الوفاء يا صاحب الصدر الرحيـب = من فيه مثلك بالصبـر والاحتسـاب
أيوب وقتك فاهـم الوقـت العجيـب = سلمان جنبـك وابتسامتكـم طيـاب
أجرك على مولاك يا القلـب المنيـب = لله في ثوب المـرض أحلـى الثيـاب
بالصبر عدّيت الصعاب اللـي يشيـب = البـدر منهـا تسـأل الله الـثـواب
شعبك يا بو خالد وجيشـك والرقيـب = سهيل ونجـوم الكواكـب والشهـاب
والكعبة الغـراء ومسجـده الحبيـب = والراية الخضراء وسورك والحجـاب
والأمـة العليـا بشرقـه والمغـيـب = ملوك وشيوخ العروبـة والصحـاب
الكـل منهـم يسـأل الله المجـيـب = يشفيك يا معتـق كسيـرات الرقـاب
والحمد لك يا الله يـا نعـم الطبيـب = شافيت أبو خالـد وفرّحـت الشبـاب
اللـي بغربتهـم وعلّمـت المريـب = كيف الكرام تجود فـي عـز الطِـلاب
فضلك على الطُلاب والعلم الخصيـب = عظيم في نيـل المعـارف والكتـاب
فضلك على جند الوطن ما هو غريب = يمين أبو متعب وسيفـه والنصـاب
في طاعة الله ثم أبو متعـب مجيـب = تفداه في روحك ومصقـول الجـواب
ما قلت له في يـوم لا عقـلٍ لبيـب = أُعطيتـم الحكمـة ونعـم الانتسـاب
يا رجال أبو تركي لكم مجـدٍ مهيـب = شمسه على كل الفيافـي والهضـاب
بالكون كله صيتكـم صيـتٍ نجيـب = في رفعة الإسـلام والخيـل العـراب
يا نصرة الإسلام والأقصـى السليـب = من عهد أبو تركي لكم أعظم خطـاب
الصـدق مبداكـم ولا يمكـن يخيـب = يشهد علـى أفضالكـم مليـار بـاب
ضيفٍ يطوف البيت ولسانـه رطيـب = في أمن واطمئنان مكفـول الزهـاب
مقصودكـم رب السمـوات القريـب = واللي مع الرحمن بالعيـش اللبـاب
الأمن والخيـرات حظـه والنصيـب = والحب والتقدير فـي كـل الشعـاب
درع الوطن والسيف في نحر الحريب = اللـي تسلـل حدنـا يلقـى العقـاب
نصـلاه بالنيـران ونشـب الشعيـب = ونردّ له بالصـدر شلفـات الحـراب
عاداتنا عادات فيصـل يـا الغريـب = يا نازح حدود الوطـن ذوق العـذاب
قولوا لنزّاح الحدود * أمرك عجيب) = طحت بجهنم من قبل يـوم الحسـاب)
(عاداتنـا قشـع الضلالـة والصليـب = ( والطير نرمي له عشاه * ولا نهاب
ما نحسب إلا حساب خالقنا الحسيـب = ما نعتدي والمعتدي يمسـي خـراب
استبشـري يـا مملكتنـا نستجيـب = لو شبر واحد أمر أبو متعـب مجـاب
بالله ثـم سلطـان رميتنـا تصيـب = والنائب الثاني وجند أعظـم رحـاب
ضارين في خوض المعارك والصعيب = نفداك بـالأرواح يـا أطهـر تـراب
وختامها صلوا علـى محمـد تطيـب = أرواحنا وأحلامنا مـا هـي سـراب
صالح محسن الجهني
* عن أبي عقيل الظاهري أن من أشعار جلالة الملك فيصل طيّب الله ثراه
قولوا لنزّاح الحـدود = عن حدنا ينـزح وراه
عاداتنا قشّع العمـود = والطير نرمي له عشاه