2012-10-01
يا صاحبي .. راح الزمان اللي به الناس صافين
إن قل مالك أقرب الناس ينسـاك
وإن كنت في نعمة تشوف المحبيـن
يا صاحبي لا تفقد العقل حـذراك
ميّز وشوف اللي على طول وافين
وأحذر ترى الدنيا بها حبال وشراك
وعيون ما ترحم وناسٍ حسوديـن
يا صاحبي هذا كلامي وما جـاك
مني بعد ما شفت ميـل الموازيـن
الوقت ما هو وقتك اللي تعـداك
راح الزمان اللي به الناس صافيـن
لا هو تغير ما بغى يـوم فرقـاك
ولا توقّف ما توانى مـع الشيـن
الوقت قبلك أشتكى قبل شكواك
أثر به اللي غيـروا طبعـه الزيـن
يا صاحبي جنّب عن الشر ممشـاك
ترى الدروب الطيبـه للمياميـن
ولا تنتظر في طرقتك مـد يمنـاك
لو ما جنيته لا تحسف ترى يبيـن
والطيّب اللي قدم الطيب شرواك
ما يندم ويصبر على زرعه سنيـن
الصبر له ميزه يجيب الفـرج ذاك
اللي عجز عنّه رجـالٍ عجوليـن
الصبر أوفى صاحب يدور رضـاك
ما يسكن إلا في قلوب المسلميـن
يا صاحبي أصبر ترى الله مـولاك
له حكمته ما خيّب قلوب راجيـن
لو ما يتحقق بالصبر غايـة منـاك
لك في لذيذ العيش عدة مياديـن
أنهض ترى الفرصة تمـر وتحـراك
أما بهـا ولاّ لهـا نـاس شاريـن
صالح محسن الجهني
ديوان بين السحابة والسراب