الموقع الرسمى لشاعر القوات الجوية صالح محسن الجهني

عيون ينبع النخل

2006-01-06

عيون ينبع النخل

منظر بقايا بيوت الطيـن = لوحة حزينـة لماضينـا
وباقي جذوع النخل والعين = اطـلال للخيـف تبكينـا

يوسف الكشي - الشاعر 

قصيدتي ردا وإردافا على هذه الكسرة الرائعة للشاعر القدير يوسف الكشي والتي نشرت بالمجالس الينبعاوية بتاريخ 6 / 1 / 2006 م سائلين الله العلي القدير أن يرحمنا برحمته وأن يعيد لتلك العيون المياه بعد جفافها لتجري بالخيرات في أرض ينبع وأن يرزق أهلها بالأمطار النافعة ليعود النخيل باسقا في ربوعه أنه هو السميع البصير  

يا صقرنا الحر يا شاهين = هلا يـا اغلـى غوالينـا
اجزل تحية لكـم مهديـن = يا مسـك عطّـر نوادينـا
تحية الـورد والياسميـن = للشاعر اللي ظهـر فينـا
عرضتم الحـال للغاليـن = وضحتم احـوال تشقينـا
هزيتم الروح هـزّ الليـن = يا لينة الروح يـا اللينـا
مثل الجثث ما لها تأبيـن = عمّاتنـا فـي مفاليـنـا
متناثرة والعـرب داريـن = متحطّمـه مـن آيادينـا
متعانقة تنتظـر ساقيـن = في حال والصمت غاشينا
احساسها يجرح المسكين = وجذوعها تهـزّ قاصينـا
واشكالها تفزع الماشيـن = لا شـي فيهـا يدفيـنـا
 ياسين يا نخلنا ياسين = ما كنت اصـدق مرامينـا
إلا بعد شفت يا الوافيـن = ايـام طـالـت أمانيـنـا
واحـوال لكننـا ناسيـن = ايـام وضحـى ميامينـا
وين اول العهد وينه وين = والنخل يزهـى بسواقينـا
بين القصايب يسار يمين = طلّعـه يغطـي أراضينـا
باسماء عديدة لها حاصين = اجـداد صانـوا معانينـا
ضاعت حلاته بعام ألفيـن = وضعنا وضاعت اسامينـا
بالود سود الليالي  تزيـن = والنخـل يحييـه بارينـا
قولوا معي يا العرب آمين = تعـود أجمـل لياليـنـا

صالح محسن الجهني