2023-03-07
مراسلة بيني وبين الشاعر القدير يوسف الداوود
الأخ العزيز والشاعر القدير يوسف الداود الشمري (أبو سعود) من مدينة تبوك، وجه لي هذه الأبيات الشعرية الرائعة وإلى الأخ العزيز محمد بن صالح الطواله الشمري (أبو عبدالرحمن)، ويقول أبو سعود:
ودي بحر ما هو ابحري
الموج من غب معلوقه
فركت مصباحي السحري
طاحت من الشعر طقطوقه
مجنونها كيف ما يدري
لا روض الجن منطوقه
والله لقراء لكم حدري
حدري على القلب وعروقه
حيدين تجلس هنا بدري
لو تطلع الشمس محروقه
اوجيههم ليله القدري
وقلوبهم بيض مرموقه
يوسف الداود الشمري
أبو سعود
وهذا ردي على هذه الأبيات الرائعة نيابة عني وعن أبو عبدالرحمن:
يا مرحبا وانشرح صدري
والشعر تعجبني بروقه
ويعجبني اللي على خبري
شاعر ويا طيبها طروقه
أبياته مثل النهر تجري
والنيل محفوظة حقوقه
جتنا قبل ليلنا يسري
كأنها الصبح وشروقه
يتنفس أنفاسه العطري
البحر والنخل وعذوقه
نظمتها من بنات فكري
والشعر غالي ثمن سوقه
صالح محسن الجهني
أبو محسن