كلن على دينه يدين ... اللي يشوفه بالحياة

قصيدة / كلن على دينه يدين

اللهم كن عون أهل غزة وفلسطين وانصرهم على الصهاينة الظالمين

كلن على دينه يدين … اللي يشوفه بالحياه

وأنا على ديني أدين … صهيون وكل منهو معاه

أهل التطرف واليمين … الشرذمة أطغى الطغاه

أطغى اليهود الظالمين … سووا وفي غزة سواه

ما ترضي رب العالمين … ما ترضي موسى ولا عصاه

ما يرضى عنها المسلمين … والكون كله قال آه

عامين والقرد اللعين … يذبح عربنا ذبح شاه

أطفالهم والقاصرين … ماتوا ولا من فك فاه

صاروا ضحايا مقطعين … وللان ما حقق مناه

ورجالهم والقادرين … بصدورهم ضد الغزاه

ماتوا وباقي مجاهدين … أطغى عدو فيما نراه

على الإبادة صابرين … والجوع حقق مبتغاه

بلا طعام ولا طحين … طحنهم الوقت وشقاه

مصابهم أدمى الجبين … اللي على نخوة وجاه

اللي مع الحق المبين … الله حنا في رجاه

نسأله رب المرسلين … الواحد الفرد الإله

يهلك جميع المعتدين … واللي مع الظالم حصاه

يرمي بها يسار ويمين … وما ندري ويش اللي بلاه

معقول يا الخايب تدين … اللي يدافع عن حماه

اللي يدافع عن عرين … احتله الظلم وسباه

سبعين عام وصابرين … على احتلال انهك قواه

حصار والأقصى سجين … في حكم من سوّد صفاه

صحيح لا خاب العوين … والنذل ما تسوى الحياه

أهل الوفاء والطيبين … عون الذي فاقد عشاه

عون الكرام المكرمين … بسيوفهم ضد الطغاه

وبكره يبان الصادقين … كلن يبي يلقى جزاه

والله عون المستعين … ما خاب من يزبن ذراه

صالح محسن الجهني