الخيل الأصيلة

الخيل الأصيلة

2008-11-13

الخيل الأصيلة

جريـت لـي ونـه ورددت الأشعـار = ترديد شاعر عـارف العـدل والميـل

بعد الذي من مجريات الزمـن صـار = وأمطار من رب السماء عقبت سيـل

جتنـا وحنـا فـي متاهـات الأفكـار = عذبه عذوبـة ريحـة البـن والهيـل

وأسقت رياض الروح وأغصان الأزهار = من نوها روحي تعافـت مـن الويـل

وما طاب يبقى والمثل صـار تذكـار = بعد الوفاء من لابـة الفكـر والكيـل

أما زماني لازم أكشـف لـه أسـرار = وأعدها وأهـل البصيـرة لهـم نيـل

عسى الليالـي مـا نفـارق بهـا دار = فيها الأدب والجود والشمـس والليـل

وما هي غريبة لو ترديت يـا حمار = اللي غريبة كيف تجري مـع الخيـل

وتخش بسبـاق الأصايـل والأمهـار = مضمارها مضمار يـا قاصـر الحيـل

تصهـل خيولـه بالعشيـة والأبكـار = تسبيحهـا لله مـن قـبـل وقبـيـل

صالح محسن الجهني