مجدنا الزاهر

مجدنا الزاهر

2004-07-03

مجدنا الزاهر

ابتديـت بذكـر ربّ  العالميـنـا = ربّنـا اللـي دلّنـا درب  النجـاة

عن عباد الله يا ابليـس  اللعينـا = يـا مـدور للتناحـر  والشتـات

تزرع الفتنـة بـدار  الساجدينـا = وتنكر المعروف ما تسقي  نبـات

عن رجال الخير والمجد  الحصينا = أسرة آل سعود أهـل  المكرمـات

تدهـن الأحقـاد بالسـمّ الدفينـا = ما تشوف افضالهم كبـر الفـرات

سقيا ربّ الكون ميـات  السنينـا = اسـأل العليـا تهامـة والسـراة

واسأل البـدو الكـرام العارفينـا = واسأل بنجـد ومراقيهـا  ثبـات

واسـأل بمكـة وجـدة والمدينـا = الحضر أهـل العلـوم الصافيـات

واسأل الظهران بالشرق  المكينـا = شرقنـا دار القلـوب  النـيّـرات

كلّهـم قالـوا بفضـل الله بنينـا = ثم أبو تركـي ونلنـا  الطايـلات

لا تسـال الحاقديـن  الحاسدينـا = جاحديـن بنعمـة الله  الـوشـاة

الدسايس خلّهـا هـات السمينـا = شرعنـا دستورنـا حنّـا الهـداة

وأحذر الفتنة وبهـت المسلمينـا = توب عن غدرك لهم قبل الصفـاة

دارنا صالح وبالنصـح الحسينـا = في هدى طه ومـن لابـه ثقـات

نفتخر باصلاحهـم  والمحسنينـا = خادمين الديـن مـا خانـوا ولاة

صادقين النصح والعقـل الرزينـا = حافظين العهد ما شقـوا عصـاة

مقتدين بهـدي خيـر المرسلينـا = محمد الهادي عليه أفضل  صـلاة

والعفو عن ما مضى يا معارضينا =من ابو فيصل لكم قبـل  الفـوات

قال ابو متعـب ويمنـاه اليمينـا = قالها سلطان فـي عـزم وثبـات

اسمعـوا لله عـفـو القادريـنـا = طيعوا حتى قطرها يطـب الفـلاة

من رجع منكـم وحكـم الله فينـا = عدل حكمه ثـم نايـف والقضـاة

عن هل التاريخ والعـدل المبينـا = من يجي للشمس يسأل كيف جات

بظلّها الخيـرات فيهـا العابدينـا = جلّدنا في حرّهـا حتـى الممـات

شمسنا مشراقها البيـت  الامينـا = مسجد الهـادي بهـا والطيبـات

راية التوحيـد والحبـل  المتينـا = في سناها يخفق بكـل  الجهـات

شمسنـا للمسلميـن  المهتدينـا = دارة الإيـمـان دار الجامـعـات

شمسنـا حنّـا بهـا  متوحدينـا = اكرمتنـا تستحـق التضحـيـات

شمسنا تدعم جهـود المخلصينـا = تنصـر الإسـلام وتـذّل الطغـاة

شمسنا تحفظ عهـود  معاهدينـا = تنصر المظلـوم وتصـد  الغـزاة

شمسنا من يوم ما حنّـا  وعينـا = صادقـة مـا تلتفـت  للكاذبـات

شمسنا أم الوفـاء فيهـا  ربينـا = عطّفهـا كنّـه حنـان  الأمهـات

شاربين الحـبّ مـا والله سلينـا = عن هواها بأمنها طـاب المبـات

السعوديـة لهـا حـبّ  وحنينـا = في قلـوب رجالهـا وأم  العبـاة

نفتديهـا بالنواصـي والثميـنـا = ناذريـن ارواحـنـا للغالـيـات

أمنها واجـب فرضّـه الله علينـا = حنّا ورجال الأمن ضـد  العصـاة

والفخر بالمخلصيـن  الصادقينـا = البواسـل فـي وطنّـا والحمـاة

بربنا الرحمـن والقاسـي يلينـا = اعتصمنـا كلنـا ضـد البـغـاة

منفذيـن الأمـر ضـد الخائنينـا = حنّـا أمـة مـا تعثرنـا حصـاة

حنّا بـإذن الله فيهـا الظاهرينـا = أهل حق ومـا تبعنـا  منظمـات

والله أوجب طاعة أهل الأمر فينـا = دامهم ما يمنعوا فـرض الصـلاة

بمجدنا الزاهر لبيـت الله حمينـا = قبلـة الإسـلام أرض المعجـزات

بمجدنا الزاهر خدمنـا القاصدينـا = ما منعنا أهلهـا فـرض  الزكـاة

بمجدنا الزاهـر نحـج  مكبرينـا = نقدر أحكام الشهـور  الحارمـات

بمجدنا الزاهر نصـوم ونستعينـا = بخالق السبع العظـام  العاليـات

بمجدنا الزاهر نعيـن المعسرينـا = من عطايـا الله قدمنـا  الهبـات

بمجدنا الزاهـر لعانينـا  سقينـا = ما حرقنا نسل أو حـرث الرعـاة

بمجدنا الزاهر على البيضاء مشينا = نقدم الحكمـة وطاعتنـا الدهـاة

بمجدنا الزاهر علينـا و اعتلينـا = وارتقينـا بديننـا بيـن  الدعـاة

بمجدنا الزاهر لوجـه الله دعينـا = ما دعينا دسدسـه بـأردى قنـاة

بمجدنا الزاهر إذا الحجـة علينـا = ما نكابـر أو نحـط  المعضـلات

بمجدنا الزاهـر إذا قلنـا  وفينـا = وإن عطينا ما طلبنا  معاوضـات

بمجدنا الزاهـر تعلمنـا  وقرينـا = صرنا دوله فيها كـل المعطيـات

بمجدنا الزاهر بشيمتنـا  قضينـا = ما دخلنـا بالقضايـا  الباطـلات

بمجدنا الزاهر لجارتنـا احتمينـا = ما نخون الجار ما نحب الشمـات

بمجدنا الزاهـر لعالمنـا صفينـا = وبادلونـا بالعلـوم  النافـعـات

بمجدنا الزاهر كسبنـا منافسينـا = واقتـدوا فينـا بتـرك السيئـات

بمجدنا الزاهـر ولا مـرّه بدينـا = من بداء بالشّـر ذاق المعسـرات

بمجدنا الزاهر وسط دنيـا ودينـا = ما نغالـي بديننـا مثـل الغـلاة

بمجدنا الزاهـر إذا حنـا غزينـا = نقـدم الإنـذار قبـل السابحـات

بمجدنا الزاهـر نطيـع العاقلينـا = ما نعقّد حبـل حـلّ  المشكـلات

بمجدنا الزاهـر إذا حنّـا  روينـا = نحمدالرحمن ما نشيـل  الرشـاة

بمجدنا الزاهر جهـاد  الراشدينـا = نقاتل الفرسان مـا نمثـل رفـاة

بمجدنا الزاهر نجيـر المشركينـا = نكرم الأسرى ونحمي القاصـرات

العفو شيمتنـا حنّـا  الصابرينـا = ما انتصرنا لذاتنا بيـن  الـذوات

يا أيـادي الشّـر طالتكـم يدينـا = فعلكم أدمـى الحجـر والكائنـات

خنتم الإسلام في ذبـح  الرهينـا = والشريعـة والعروبـة  والحيـاة

تقتلونه غـدر عـدوان وضغينـا = تمثلـون بجثتـه بعـد الـوفـاة

فعّلكـم ضـر بمكانتنـا غبيـنـا = ما هي عادات العرب هذي  السواة

كافرين بنعمـة المولـى  علينـا = منكريـن وتفعلـون المنـكـرات

أي ديـن يقـودكـم متفجريـنـا = في وطنّـا والبحـر  والطائـرات

ما سألتم مات من يـا  العابثينـا = طفـل ولاّ شيـخ ولاّ  غـافـلات

العدالـة ضيّعـوهـا الغادريـنـا = بقتل غافل ما درى هو ليه  مـات

بخطبة أبو بكر نهـج  مجاهدينـا = والجهاد أخلاق والغـدر  انفـلات

واختتمها بذكر خيـر  المرسلينـا = متمم الأخلاق مكنـون  الصفـات

صالح محسن الجهني