قصيدة شاعر القوات الجوية ذكريات عن كلية الملك فيصل الجوية

قصيدة شاعر القوات الجوية ذكريات عن كلية الملك فيصل الجوية

2016-05-20

قصيدة شاعر القوات الجوية ذكريات عن كلية الملك فيصل الجوية

رحلة تدريب على طائرات سترايك ماستر - كلية الملك فيصل الجوية عام 1984م
مدرب الطيران النقيب طيار / عبدالرحمن العقيل
طالب طيران / صالح محسن الجهني

.....

ما تشوفني طالب ودربني العقيل
الله محلاها السنين الماضية

 

صقرن وعلمني أطول المستحيل
والله وفقني وطلت العالية

 

أيام ما تنسى وذكراها جميل
فيها عرفت أهل القلوب الناقية

 

في معقل الأبطال والصرح الطويل
كلية الفيصل وأغلى غالية

 

حبيتها للحب كم عندي دليل
قلبي ويكفيني شعار الوافية

 

أعطتني كل الحب والعلم الفضيل
اللي مثل طلع النخيل الحالية

 

وأعطيتها روحي ولا عندي بديل
يسقي عروق القلب مرة تالية

 

لأنها منهل ومعدنها نبيل
أوفى ومن كل النجوم السارية

 

دستورها التعليم والنهج الأصيل
والحب للدار العزيزة الغالية

 

كأنها زمزم وأعذب سلسبيل
نعمة عظيمة للوطن متنامية

 

على هدى الرحمن والله الوكيل
فيصل مؤسسها ونعمة جارية

 

للبيت والإسلام والسيف السليل
لله مجهود الصقور الصالية

 

رحمه على فيصل له الشكر الجزيل
يا طيب ذكراها السنين الخالية

 

والله أي والله ما ننسى الجميل
للراية الخضراء العظيمة العالية

 

صالح محسن الجهني