2011-01-31
رثاء العم محمد عواد شاهين رحمه الله
رثاء العم محمد عواد شاهين الجهني تغمده الله بواسع رحمته ورضوانه وأسكنه فسيح جناته جنات النعيم
شمسٍ طلوله وشمس تغيب = ما غبت يا ربّ عـن بالـي
وأنا معي خمس فطّر شيـب = مرن على المـرّ والحالـي
اسألك من طيّبـات السيـب = اللي مثـل مـزن همّالـي
اروي بها شامخات النيـب = اللي لهـن فضـل متعالـي
فيما يخيب البصر ويصيـب = واعدهـن خيـر راسمالـي
والصبر معه النفوس تطيب = حتى لـو الحـزن جمّالـي
مرحوم يا اللي كسبت الطيب = يا راعي المنهـج العالـي
يا صادق الوعد والترحيـب = يا مسبح الواحـد الوالـي
الله يرحمـك قلـب منيـب = لله بسـجـود مـتـوالـي
من يوم غبت الفراق مريب = والحزن أثـر علـى حالـي
كم لي اقول الزمن تغريـب = كثير حزنـه مـا يصفالـي
يا ربّ يا خالقي يا مجيـب = يا حيّ معـروف الافضالـي
اسألك واللي سأل ما يخيب = رحمتـك يـا ربّ منوالـي
صالح محسن الجهني