آه ليت الشعر يرجع لي صداه = أخبره باللي جرى لي والسنين

آه ليت الشعر يرجع لي صداه = أخبره باللي جرى لي والسنين

آه ليت الشعر

آه ليت الشعر يرجع لي صداه
أخبره باللي جرى لي والسنين

واشتكي له زائف الوقت وعناه
والمسافة بين قلبي والحنين

ليت يرجع لي ويرجع لي صفاه
مثل ما كنت أنظم الدر الثمين

يوم كنت وكان شعري في سماه
يروي الأشواق والقلب الحزين

ليت يرجع لي وأنا فكري معاه
من قديم الوقت حول الياسمين

إن رجع بشرت قلبي في دواه
واستراح البال للنظم الرزين

بعد طول غيابه قلبي ما نساه
في بحوره حبل أشواقي متين

إن صعدت الجو أرقى لمستواه
وإن دخلت البحر ربان السفين

لولا ربي ثم صبري زدت آه
فوق آهات القروم العاشقين

لكن الدنيا وما عيني تراه
غير المنهاج للصيد الثمين

دنيا عشناها وهي رمية حصاه
أبلشتنا في رحاها والطحين

حتى حار العقل واحتار الدهاه
ما عرفنا من يسار ومن يمين

صالح محسن الجهني