لا تناظر في يمـن

لا تناظر في يمـن

لا تناظر في يمـن = ولا تناظر في شمال

كلهـا بـؤرة فتـن = وصفها فوق الخيال

المهم هذا الوطـن = أكسب قلوب الرجال

شعبه اللي مؤتمـن = أعظم حصون الهلال

الوفاء فيهم سكـن = من قديمات الليـال

كل غالي لـه ثمـن = والرخيصة للـزوال

أصنع الأمر الحسن = للمروءة والكمـال

والرعاية والسكـن = والمكارم والفضـال

وأحذر اللي له زبن = العمالـة والريـال

والله اللي لك ضمن = واحة أمنه والجمال

مهما حاسدنا طعـن = رؤوسنا فوق الجبال

ما ينال إلا الوهـن = سيوفنا بصدره حلال

صالح محسن الجهني