مع الشاعر القدير محمد جميل الريفي

مع الشاعر القدير محمد جميل الريفي

غبوة مع عميد الغباوي ( الألغاز الشعرية ) الشاعر القدير محمد جميل الريفي (أبو أروى) نشرت بالمجالس الينبعاوية بتاريخ 22/6/1425هـ

ياويش بنتاً ماتهاب الرجاجيـل = بنتاً قديمـه يارفيـع المقامـي

يعزف ولدها في حشاها المواويل = اللي تملـي ترسلـه للمهامـي

محمد جميل الريفي

.....

أضنها الساعة على حد ما قيل = بنتاً دقيقة يا كريـم الأسامـي

أصغر ولدها ما يعرف التفاصيل = يعزف إذا حطوه ضمن النظامي

صالح محسن الجهني

.....

البنت تمشي يازبون المداخيـل = بنتاً على فم الرجـال الكرامـي

للخير تجلب من ولدها محاصيل = وإنته بعرفي من عقول الفهامي

محمد جميل الريفي

.....

هذا جوابي بعـد كـل التحاليـل = والعذر منكم كان خابت سهامـي

هي الرحى تمشي بطاحونة الجيل = جيل ٍ مضى ماضيه بدر التمامي

دولابها في كبدهـا لـه تهاليـل = نعم الولد في برها مـا ينامـي

صالح محسن الجهني

.....

اسند عليكم من علوم وتماثيـل = وإنته من اللي يفهمون الكلامي

تجري مع اللي يبتغون المواصيل = اما ولدهـا سكنـوه الظلامـي

محمد جميل الريفي

.....

المكحلة والكحل والمرود الميل = أوصى بها محمد عليه السلامي

الكحل زينه للعيون المضاليـل = أقولها وأرسل معاها احترامـي

صالح محسن الجهني

.....

مثلك ياصالح كاسبين المناويـل = صوب سهامك واستمع للمرامي

بنتاً نصوها من كثير المراسيـل = جنب الطويلة والنفوس الحشامي

محمد جميل الريفي

.....

الشمس عذراء ما تهاب المشاعيل = بنتاً كريمة يـا رفيـع الوسامـي

الله كتب يمضي ولدها مع الليـل = تدبيـر رب الكـون رب الأنامـي

صالح محسن الجهني

.....

الان عندك سجل القيل تسجيـل = واعطيك علمي يالكريم العصامي

بنتاً على فم الرجـال المداهيـل = جوهم من العربان وارد وضامي

محمد جميل الريفي

.....

من لا يعرف العوم لا ينزل النيل = بعض القضايا ما تفيد المحامي

تكسيرها من عندكم و التساهيل = والطيب طبعك يا بعيد المرامي

صالح محسن الجهني

.....

المردود الأخير لعميد الغباوي الشاعر القدير محمد جميل الريفي وفيه يوضح تكسير الشاعر القدير الرامي للغبوة ومعناها على النحو التالي : ( البنت هي المحالة التي يضعونها على فم البير والولد الذي يعزف المواويل هو الرشا الذي ترسله للمهامي لجلب الدلو الذي في بطنه الماء )

هاذي المحالة في صداها بلابيـل = اما ولدها فـي هذيـك الجمامـي

وصلوا على اللي في مباديه تكميل = نبينـا محمـد شفيـع الانامـي

محمد جميل الريفي