قصيدة بنات الشهداء لشاعر القوات الجوية

قصيدة بنات الشهداء لشاعر القوات الجوية

قصيدة بنات الشهداء

.......

قلبي تقطع يوم شفت الطفولة
تعطي التحية بعد فقد العزيزين

وا قلبي اللي مغرما بالبطولة
بين الرجال وفي خضم الميادين

لا تشكي الأيام اصعب مقولة
نشكي من الدنيا ولا نعرف الدين

ولا ندري إن العمر يجري بسهولة
مثل الدقائق والثواني إلى حين

حين الممات وحين ركب الرحولة
مرفوع فوق النعش بين المسلمين

وبعد الصلاة بوسط حفرة مهولة
هذي نهايتنا وحنا مقفين

وما دامهم راحوا في موقف رجولة
يا حظهم أهل القلوب الميامين

والله يرحمهم كرام الحمولة
أبطالنا والدار شعبه ملايين

في جنة الفردوس نفسي عجولة
يا ليتنا من اهلها قولوا أمين

في رحمته ننعم ودنيا ملولة
والآخرة أطيب لو الموت ذا الحين

واللي مع الرحمن في كل جولة
منصور رغم انوف كل المعادين

او للشهادة والشهادة بطولة
لحماية الاوطان في نصرة الدين

صالح محسن الجهني